ចង់អោយបបូរមាត់ ទៅជាពណ៌ផ្កាឈូកអត់?
- Mony Thay
- Dec 13, 2018
- 1 min read
រដូវក្តៅ ពិតជាអាចផ្តល់គ្រោះថ្នាក់ដល់ស្បែក ព្រមទាំងបបូរមាត់មែន។ ប៉ុន្តែ អ្នកមិនគួរណាប្រើលុយជាច្រើន ដើម្បីទទួលបាននូវការព្យាបាលដ៏មានតម្លៃថ្លៃនោះទេ ព្រោះមានវិធីសាស្ត្រងាយៗមួយចំនួនតូច ដែលអាចប៉ះប៉ូវនូវអ្វីដែលជាបញ្ហាអ្នកបាន ជាពិសេស បើសិនជាអ្នកចង់បានបបូរមាត់ដែលមានពណ៌ផ្កាឈូកតែម្តង។
ប្រើសារធាតុជម្រុះកោសិកាចាស់ៗនៅលើបបូរមាត់
វិធីសាស្ត្រដ៏ងាយបំផុត ដើម្បីជម្រុះកោសិកាចាស់ៗនៅលើបបូរមាត់ចោលនោះគឺ ការប្រើច្រាស់ដុសធ្មេញដុសថ្នមៗលើបបូរមាត់ ក្រោយពីដុសធ្មេញរួច។
លាយក្រូចឆ្មារ និងទឹកឃ្មុំ
ដើម្បីបំបាត់ស្នាមជាប់របស់ក្រែមលាបមាត់ ឬបបូរមាត់ដែលខ្មៅ ចូរប្រើល្បាយមួយដែលមានការលាយចូលគ្នាដោយទឹកក្រូចឆ្មារ និងទឹកឃ្មុំ ដើម្បីយកវាទៅម៉ាស្សាលើបបូរមាត់រយៈពេល ១៥ ទៅ ២០ នាទី រួចចាំលាងវាចេញ។
ផ្តល់សំណើម
វិធីសាស្ត្រមួយផ្សេងទៀត នៃការព្យាបាលបញ្ហាបបូរមាត់បែកស្រកា គឺការប្រើល្បាយមួយដែលមានការលាយចូលគ្នានៃទឹកឃ្មុំ និងក្រែមទឹកដោះគោ។ ចូរយកល្បាយនេះទៅលាបអោយពេញបបូរមាត់ ហើយម៉ាស្សាវាផង។ ចូរទុកចោល ១៥ ទៅ ២០ នាទី ឬរយៈពេលមួយយប់តែម្តង ដើម្បីទទួលបានលទ្ធផលកាន់តែល្អ។
ញ៉ាំអាហារដែលផ្តល់សុខភាព
ការញ៉ាំអាហារដែលផ្តល់សុខភាព មិនត្រឹមតែមានប្រយោជន៍សម្រាប់សុខភាពទូទៅទេ តែក៏ល្អចំពោះបបូរមាត់ផងដែរ។ ការញ៉ាំអាហារស្រស់ៗជាមួយនឹងទឹកផ្លែឈើផ្តល់សុខភាពទៀតនោះ នឹងជួយអោយអ្នកមានភាពកាន់តែសិចស៊ី និងស្រស់ស្អាតថែមមួយកម្រិតទៀត៕
Comments