បង្អែមគ្រាប់ខ្នុរ

គ្រឿងផ្សំ - សណ្ដែកបាយ - ពងមាន់ - ស្ករស - ខ្ទិះដូង វិធីធ្វើ - យកសណ្ដែកបាយត្រាំទឹកប្រហែល2ម៉ោង រួចលាងអោយស្អាត ហើយដាក់ខ្ទិះដូងចូលជាមួយសណ្ដែកបាយ បន្ទាប់មកត្រូវយកទៅដាំដូចបាយបរិភោគធម្មតា ( កុំអោយជ្រាយ ) រួចកូរអោយដាច់ទឹកល្អ ទើបយកមកលុញជាដុំមូលប្រវែងប៉ុនគ្រាប់ខ្នុរ - ដាក់ដាំទឹកស្ករអោយពុះខាប់ឡើងស្អិត ( ស្ករដាក់អោយច្រើន ) កុំប្រើភ្លើងខ្លាំងពេក - បន្ទាប់មកយកពងមាន់មកគោះ យកតែផ្នែកក្រហម មកវាយអោយបែកចូលគ្នា រួចយកសណ្ដែកបាយដែលលុញទុកនោះ មកជ្រលក់នឹងពងមាន់អោយសព្វ ( ធ្វើម្ដងមួយៗ ) រួចបង់ដាក់ក្នុងទឹកស្ករ ដែលកំពុងពុះស្អិត ទុកអោយពងមាន់រឹងល្អហើយ សឹមស្រង់ដាក់ក្នុងចាន រួចជាការស្រេច ។ ក្នុងការដាំសណ្ដែកបាយបើសិនបងប្អូន មិនសូវចំណូលខ្ទិះដូងទេ អាចដាំជាមួយទឹកធម្មតា ហើយយកមកកូរជាមួយស្ករស ( ដាក់ស្ករតែតិចល្មមបានហើយ ) ( ដោយប្រើភ្លើងតិចៗ ) អោយដាច់ទឹកនឹងស្អិតល្អ ទើបយកមកលុញ ជ្រលក់ជាមួយពងមាន់ យកទៅបង់ក្នុងទឹកស្ករ រួចជាការស្រេច ។